Почитувани,
Радио Марија од 27 до 29 декември го започнува овогодишниот Маријатон. Секако ќе прашате што е Маријатон?
Маријатон е посебен настан на програмата на Радио Марија, со цел да се поттикне солидарноста и поддршката за работата на Радио Марија и да се запознаат слушателите со посланието на радиото, како и важноста да се навестува Еванелието преку медиумите и промовирање на христијанските вредности.
Зборот „Маријатон“ е составен од две збора Марија и-тон.
„Марија“ – е името кое го носи радиото. Тоа е името кое Јоаким и Ана го дадоа на нејзиното дете, кое подоцна ќе стане Богородица. Затоа Пресвета Богородица воедно е и заштитничка на Радио Марија, па така и овој настан е ставен под нејзино застапништво.
„-тон“ – е изваден од зборот „маратон“ и ја симболизира упорната и неуморна заложба и интензивност на настанот за остварување на целта, слично како што маратонците неуморно трчаат кон целта.
Соединувањето на овие два збора создава поим кој означува духовен „маратон“ за ширење на Божјото слово преку Радио Марија. Маријатон значи движење, заедништво и упорност во служба на верата.
Во овие посебни денови на Маријатон, сакам да ве охрабрам да го отворите своето срце за да ја поддржите работата на радиото.
Ве повикувам да се вклучите во оваа благородна мисија. Најпрво молете се за успех на Маријатонот. Вашата молитва е најголемата поддршка за нашата работа. Молете се за сите кои се вклучени во оваа иницијатива – за волонтерите, поддржувачите, дарителите и слушателите.
Со вашиот личен придонес со донации помагате Радио Марија да допре до повеќе луѓе. Секој дар е добредојден. За нас не постојат мали или големи донации, туку само од срце.
Охрабрете ги вашите блиски роднини и пријатели да се вклучат во Маријатонот, но и воедно да станат редовни слушатели на радиото. Кажете им за шареноликоста на програмата на Радио Марија и за можноста да биде дел од ова големо семејство.
Овој Маријатон е наш заеднички чекор за исполнување на повикот на Богородица: да бидеме христијански глас во домовите.
Благодарни сме за секоја вашата поддршка. Заедно, со Божја помош и под закрилата на Пресвета Богородица, можеме да направиме многу!
Со благослов
Отец Гоце Костов, директор на Радио Марија
Leave a Comment