Целиот тим на Радио Марија ми се придружува на моите честитки, посакувајќи ви на сите вас среќно и благословено Рождество Христово – Божиќ! Бог стана човек, и тоа е голем настан за целото човештво, можност за нов почеток, нова надеж и нов живот во Христа.
Нашето послание е секој ден да ја споделуваме оваа голема надеж со вас и со илјадници други слушатели. И навистина голема е радоста што можеме да ги повториме зборовите кои ангелот Господов им ги упати на пастирите: „Не бојте се! Еве, ви соопштувам голема радост, која ќе биде за сите луѓе; зашто денеска ви се роди во градот Давидов Спасител, Кој е Христос Господ! Бог слезе и се воплоти, зема човечко тело. Зошто го направи тоа? Затоа што те љуби. Ајде да му се поклониме на Христа Богомладенецот.
Христос се роди – Славете Го!
о. Гоце Костов, диретор на Радио Марија
Leave a Comment